香港十大最好味雲吞麵香港十大最好味雲吞麵


香港十大最好味雲吞麵

  作為地道的香港人,不會未吃過雲吞麵吧。不過雲吞麵店選擇多,規模大至連鎖式,小至繁忙時間排長龍,到底應該揀邊間?唔使愁,今期 CLASSES 編採組成員齊齊出動,行勻港九新界,終於幫大家搵到全港十間必食的雲吞麵店!快D睇下有冇你平時食開個間啦!
 
1)歷史悠久,製法古老 - 永華麵家 

永華麵家  永華麵家 1

 永華麵家開業六十多年,湯底堅持以鯊魚骨熬製,麵條及雲吞皮一直都是師傅古法手製。識食的你,絕對不能錯過免費任食的醃蘿蔔粒,清新醒胃,現在仍免費供應這類餐前小吃的食店實在買少見少了。

地址:灣仔軒尼詩道89號地下
營業時間:11:00-01:00

2)唔多抵食,但都係要食 - 麥奀雲吞麵世家 

麥奀雲吞麵世家 麥奀雲吞麵世家2

  不少食客對麥奀記雲吞麵的大小議論紛紛,有人更笑言要食兩碗才能飽肚。雖然麥奀記雲吞麵份量的確相對較少,不過,小而精巧的「細蓉」配上彈牙麵底,令人回味無窮,吸引力非常大。

地址:中環威靈頓街77號地下
營業時間:11:00-21:00

3)乒乓波咁大粒,連車軑都要食 - 沾仔記 

沾仔記 沾仔記1

  若嫌傳統的雲吞「細蓉」太小,沾仔記那有如乒乓波咁大粒的雲吞應該滿足到你。雲吞經過改良,鮮蝦爽口彈牙,雲吞皮薄夠滑,價錢又平民,難怪米芝蓮車軑連續四年都要黎搵佢啦!

地址:中環威靈頓街98號地下
營業時間:09:00-22:00

4)性價比最強 單雙拼同價 - 權記雲吞麵

權記雲吞麵權記雲吞麵1

  雖然店內環境一般,不過我們編採組成員覺得一定要推介予Classmates!雲吞大粒之餘,外皮既滑,蝦肉爽口,最重要是單雙拼一樣盛惠$16蚊!咁平,你仲唔快D去?

地址:灣仔春園街6-12號3號舖 (共有6家分店)
營業時間:09:30-20:00

5)大細蓉一樣掂,任君選擇 - 麥兆記祖傳廣州雲吞麵

麥兆記 麥兆記1

   
麥兆記提供大蓉及細蓉兩種雲吞麵選擇,水準穩定,麵條彈牙。而店內的炆牛筋、牛腩又稔又入味,強烈推介!

地址: 天後電氣道74號B地下
營業時間:11:00-23:00

6)足料雲吞暢銷四十年 - 麥文記麵家 

麥文記麵家  麥文記麵家 2

  
有四十多年歷史的麥文記雲吞以足料而馳名,雲吞皮內的鮮蝦爽甜大隻,惜麵的份量不多,食量較大的客人難以飽肚。店內的南乳豬手麵亦十分出名,味道濃郁。

地址:佐敦白加士街51號地下
營業時間:12:00-00:30

7) 屋邨牌雲吞麵最親民 - 6座雲吞麵

6座雲吞麵 6座雲吞麵1


  6座雲吞麵的原址位於藍田邨第六座,後來搬至佐敦,至今已約二十年。價錢跟選址一樣,勝在夠平民,味道亦相當不錯。招牌蝦籽雲吞麵、一客小食再配豆漿,也不過三十元,認真抵食。

地址:佐敦白加士街1-11號康寧大廈9號F舖
營業時間:11:00-23:00

8) 良心老闆 堅持七比三 - 深仔記

深仔記 深仔記2

  
已有三十多年歷史的深仔記,其雲吞麵廣受港人歡迎。雲吞皮包裹著7:3比例的蝦與豬肉,味道鮮甜,每天賣上過百碗。老闆深哥更是良心老闆,開店以來下令員工若有人來討食,就要讓對方吃到一碗與顧客付款無異的湯麵,實在愛心爆棚,撐!

地址: 油麻地砵蘭街97號地下
營業時間:12:00-04:30

9) 一山藏二虎 雲吞麵蝦子撈麵一樣得 - 劉森記麵家 

劉森記麵家 劉森記麵家1

  在深水埗有兩間分店的劉森記,跟永華麵家一樣提供自家醃製的蘿蔔粒,酸辣開胃。而雲吞亦「皮薄饀靚」,湯底清甜,沒半點梘水味。而劉森記馳名的蝦子撈麵,鮮味十足,不容錯過。

地址:深水埗桂林街48號地下
營業時間: 12:00 - 01:00

10) 價錢相宜 好食飽肚之選 - 成仔記麵食

成仔記麵食 成仔記麵食1


  位於大埔的成仔記,其雲吞麵受大埔居民歡迎。雲吞較大粒,蝦肉爽口彈牙,配以香濃大地魚味湯底,價廉物美。

地址:大埔安慈路3號翠屏花園商場地下20號
營業時間:09:00-20:00